نحن هنا من اجلك للرد علي اي استفسار او استشاره قانونية
وﻷننا نؤمن بحق كل فرد في حماية الخصوصية, تركنا لزائري الموقع الحرية في اﻻفصاح او عدم اﻻفصاح عن اسمائهم او بريدهم اﻻليكتروني في تسجيل اﻻستشاره القانونية بسرية تامه
هذه الصفحة مخصصة للاستشارات القانونية ويقوم مكتب اﻻستاذه نشوي المحامية بتقديمها مجانيه, اكتب ما تريد اﻻستفسار عنه وسوف نقوم با الرد عليك في اقرب وقت ممكن
375 Responses
السلام عليكم لو انا كنت مقدم موقف أمني لعمي في الجيش و جالي استكمال بعدين يوم سماع السلاح منزلش ليا سلاح و خليت حد يشوفلي مكتوب استبعاد امني ده كده ايه
ارجع شوف تانى
تكلفه قضيه رد اعتبار ل جنح سرقات من سنه 99
محتاج فيش وتشبيه نظيف للعمل
٢٥ الف
أنا مصرية ومخطوبة لرجل ألماني عايزا اعرف ايه الورق المطلوب للزواج ومحتاجة رقم للتواصل بعد إذنك
اولا الواتس فى اسفل صفحه الموقع ثانيا مطلوب منه شهادة عدم ممانعه من بلده فالمانيا
السلام عليكم ازاي حضرتك
انا والله لقيت رقمك اون لاين وكنت عايز افتح محضر لشخص موجود في مصر
انا عندي اسمو ومعلوماته بس معنديش محل سكنو
حضرتك الراجل دا خد مني فلوس عشان يعمل تاشيرة لاخويا على كندا وبعدين اكتشفت انو هو نصاب
انا عندي كل بيانات تحويل الفلوس واسم الراجل الي استلم وبردو رقم بطاقة الراجل واسمو الكامل
يا ريت لو تقدري تساعديني افتحلو محضر وانا الي تأمري بيه هيوصلك
لو حضرتك تقدري تساعديني هبعتلك كل البيانات
دى هتكون دعوى مدنيه بالمحكمه ابعت التحويلات هنا
مساء الخير حضرتك انا متورط في محضر كهرباء وانا مستأجر مع العلم ان المؤجر مقدم علي عداد من يناير ٢٠٢٥ وتم عمل محضر لأخي الصغير من قبل الضبطيه القضائيه وتم الحكم بغرامه ٢٧ الف ج ومش عارف اتصرف ازاي مع العلم انه محل تجارى
ارجووو الأفاده
هتروح شركة الكهرباء تجيب مايفيد ان المؤجر مقدم بالتاريخ دة وتقارن بتاريخ ايجارك عشان تأكد ان المديونية جزء منها هو السبب فيه والباقى انت واعمل تظلمك بالكهرباء وتابع الجنحه بالنيابه بنفسك يكون معاك الورق دة
كنت عايز اكتب بلاغ عن شبكت فساد في مسجد الخليل إبراهيم في المرج الموظفين بيتفعو رشوه لل مفتش عشان مش يوروحه ول مفتش بي وقف الشكوه
انا محاميه احل مشكله لحضرتك مش ظابط شرطه عندك القسم روح بلغ جايلى ليه
[23/3، 13:13] الدكتر حسام: فى شخص تبع حزب النور سياسي معه كرنيه تبع حزب النور
[23/3، 13:13] الدكتر حسام: هل دا يخدم فى خدمة عسكرية ولا رفض سياسي
[23/3، 13:13] الدكتر حسام: شكرا جزيلا لحضرتك
ملوش علاقة بالخدمة العسكرية يافندم
سلام عليكم انا كان في حادثه ع المحور وانا كنت المتضرر الضابط سألني عاوز تعمل محضر قلتله اه وخد رقم العربيه والرخصة الشخصية بتاعتي وقالي هتروح قسم كرداسة تاخد الرخصة روحت قسم كرداسة محدش اداني عقاد نافع اعمل اي،!؟
غالبا يقصد مرور كرداسة
ابنى معاة اسكوتر ومشى عكسى ودة اول مرة اتعملة محضر وخرج بكفالة خمس الاف والقضية يوم 3/17 فنفسى اعرف ايه الحكم
روح المحكمه وانت تعرف انا مالى هو انا موظف
السلام عليكم ورحمة الله وبركاته القضية كسب غير مشروع وتم الحكم غيابيا ب عشر سنوات انا موظف عمومى تابع وزارة المالية جمارك ونتجة تعند المستشارة المحقق احالة الى الجنايات وتم الحكم غيابيا بعشر سنوات السوال هل يوجد قانون بانقضاء المدة على اقرار الذمة المالية بعد ثلاث سنوات وهل فى اى حل او اراء قانونىة او ماذا افعل
عليكم السلام ارجو ارسال الأحكام والأوراق الخاصه بالدعوى للاطلاع
السلام عليكم، انا سوري مقيم في مصر ومعاي اقامه اني انا بدرس بمصر وعايز اكتب سند امانة بمبلغ حوالي ٨٠٠ الف جنيه هل بيصير اكتب هاذ السند بأ سمي على شان اقدر اذا صار شي احصل حقي في المحكمه، في واحد قلي انو لازم يكون السند بأسم واحد مصري على شان تقدر تحصل حقك، ياريت يتم الرد بأسرع وقت وشكراً.
باسمك طبعا واختار حد ضامن تكتب اسمه يضمنلك الفلوس من طرف التانى ال هياخد الفلوس وليه تديلو الفلوس دى اصلا اتواصل معايا واتس من خلال الموقع
سلام عليكم ورحمه الله وبركاته.
انا كان معمولي قضيه اموال عامه واخت فيها براءه واسترديد الكفاله والتليفون من سنتين ولم اخد اصل المبلغ ٦٠٠ دولار مع العلم ان في محاميه ماسكه القضيه بس بتماطل معايا كل ما اسالها تقولي لسه الورق راح العاصمه الاداريه وبعدين رجع تاني الرحاب ومش عارف اعمل ايه علما انها واخده اتعابها بلكامل ارجوا الرد المفيد من حضرتك
قولها فين العنوان كانك متعرفش واقولها هروح انا بنفسي لانى مش عارفه هيا راحت أنهى مكان حسب قضيتك
لمزيد من التفاصيل ارجو استخدام الواتس
السلام عليكم
انا بحاول اعمل اعلام وراثة لجدي من ناحية امي, مع العلم, هو توفى سنة 1987, وترك 6 اولاد ومن ضمنهم امي, و في 3/3/2025 توفيت خالتي . و طبعا هيتم وضع اسمها في الاعلام , دا شيء مفروغ منه, ولكن هل لازم اعلنها في “اعلان مادة الوراثة”
– وهل بصفتي حفيده اقدم طلب الاعلام بنفسي مع العلم, امي لازالت حية ؟
– و هل اصلح للشهادة ؟
تقدرى تعملى اعلام الوراثه بنفسك – للتفاصيل اكتر يرجى الدخول للواتس من خلال الموقع
السلام عليكم
ولدي متوفي وامي معديه ال٦٠ وبناخد انا وهي معاش ابويا .
ليا اخ معدي ال ٤٠ بس هو عايش في محافظه تانيه غير المحافظه اللي عايشين فيها ، محل إقامته وشغله وكل ما يخصه في محافظه تانيه . هل يجوز لما اجي اقدم في الجيش اخد إعفاء ؟
..
اختي تحمل الجنسيه السويديه ينفع اخد بيها إعفاء ؟
بالنسبة لاخوك مينفعش بالنسبة لأختك قدم مايفيد ال يثبت كدة
سلام عليكم
انا عندي استفسار بي خصوص خط فودافون كان معايا خط وي متسجل بي اسمي وي كنت عمل عليه نظام الفاتوره وي الخط ضاع من سنتين وي لحد دلوقتي الشركة عمله تكلمني وي تقولي عليك قضية رقم كم وي حد تاني يقولي المستشار وي القاضية وي صدر عليك حكم وي حاجات غريبه كده من سنتين لحد انهارده
هل ده حقيقي ولاه ايه
حقيقى وهيتحكم عليك وتدفع مبالغ ضخمه
السلام عليكم ينفع وانا عسكري في الجيش اعمل تسوية وضع بشهادة الدبلوم و يتخفض سنة
لا
لو سمحت يا استاذه
انا لو اخد شهاده الجيش استثناء نهائي من الخدمه العسكريه الفقره4من الماده 6من القانون 127/لسنة 1980
ممكن تتغير الي إعفاء
الاستثناء الامنى تابع للامن الوطنى ملوش علاقة بالاعفاء
السلام عليكم ورحمه الله
عندي إستفسار بخصوص رد الاعتبار للمحكمات العسكرية
انا كنت متحاكم في الجيش مخدرات وقبل نفاز مدة المحاكمة تم ترحلي الي سجن مدني .
كنت محتاج اعدل الشهادة او عمل رد اعتبار عسكري
ومش هعرف اجيب فيش جنائي غير لمة اجيب ورق يثبت اني خارج في عفو رأسي من المكان الي قديت في المتبقي من المدة ف دلواتي اعمل رد الاعتبار ازاي من غير مجيب صحيفة جنائية لان سالت علي رد الاعتبار بنسبة لسجون الملكية بيستغرف ٦ سنوات
رد الاعتبار بيتحسب من يوم خروجك من الجيش عدى سنه عليك ايدء روح النيابه العسكرية قدم على رد الاعتبار اقل من كدة مينفعش
السلام عليكم معالي المستشار
كل عام وحضرتك بخير
وربنا يجزيك الخير كله علي المعلومات الي بتطمن بيها الناس ربنا يجعله في ميزان حسناتك
انا عليا قضية شيك بدون رصيد وتم عمل المعارضة والجالسة كانت يوم 28/12 وتم تايد الحكم وانا لسة معملتش استئناف علشان بجمع فلوس الشيك ربنا يقدرني
بس جالي فرصة شغل تخليني اقدر اجمع المبلغ اسرع وطالبين ميني فيش وانا خايف اروح اعمل فيش اتحبس أو تبان القضية ممكن حضرتك تدلني
ربنا يجعله في ميزان حسناتك وكل سنة وحضرتك طيب وخير اللهم امين
روح اعمل فيش وتشبيه عادى
السلام عليكم
أود حل بشأن مشكلة قانونية تتعلق بشقة تم شراؤها في مصر عبر توكيل خاص:
التوكيل مكتوب باسم المشتري السابق مع اسم الأب والكنية، وجنسيته الأصلية سورية.
بعد حصول المشتري على جنسية أخرى ، أصبح اسمه في الجواز الحالي بدون اسم الأب يعني فقط الاسم الاول والكنية
الجهات الرسمية في مصر (مثل الشهر العقاري) ترفض إنهاء الإجراءات أو نقل الملكية بسبب اختلاف الاسم بين الوثائق.
أحتاج إلى معرفة الحل القانوني الأنسب لإثبات أن الاسم القديم والجديد ينتميان لنفس الشخص بطريقة رسمية ومعترف بها لدى الجهات المصرية، سواء عبر أي إجراء قانوني آخر يضمن إتمام المعاملة دون مشاكل.
أرجو من حضرتكم التوجيه للطريقة الأسرع والأكثر أمانًا قانونيًا لحل هذه المشكلة.
مع جزيل الشكر والتقدير
تواصل معى واتس من خلال الموقع… عشان اشرحلك الخطوات بالترتيب
أريد الأستفسار عن شيئ متعلق ب التجنيد والأمور السياسيه لدي أحد الأقارب
اتفضل واتس
نرجو من حضراتكم الرد
حضرتك انا كنت متحاكم غياب وخلصت وخدت الشهادة الرديئة في ٢٠٢٠. هل محتاج إذن تصريح سفر يعني لازم اعمل رد الاعتبار ولا عادي
رد اعتبار – اطلع على النيابه العسكريه قدمه
لو سمحت انا كنت متحاكم غياب وخلصت وخدت الشهادة الرديئة في ٢٠٢٠. هل محتاج إذن تصريح سفر يعني لازم اعمل رد الاعتبار ولا عادي
السلام عليكم ورحمه الله وبركاته
كان اتحرر محضر ضدى وضد اخويا بالسرقه وهو محضر ابتزاز لينا والمحضر راح النيابه وحفظته فى المره الاولى بعد كده اللى عملنا المحرض راح استئنف عليه من شهر 10 اللى فات والى الان كل ما نتابع مع المحامى يقولنا لسه فى العرض واحنا بقالنا اكتر من شهرين هل المده طبيعيه ولا فى حاجه مش مظبوطه برجاء الافاده
مفيش حاجه اسمها فلان راح استئنف روح شوف الحكم بنفسك
هل التقديم على اعلام الوراثه فى المحكمه التابع لها عنوان الورثه فى البطاقه او ممكن فى اى محافظه
الاحوال المدنية بالعباسيه او المحافظة نفسها
إسلام عليكم أنا مذدوح الجنسيه من والدتي ولدتي رومانيه وانا عندي جواز سفر اجنبي + شهاده ميلاد رومانيه اي الورق الي اقدمه + اروح فين منطقه التجنيد او المخابرات الحربيه لأني اجهل هذه الأمور وشكرا
قدم كل الأوراق ال قلت عليها دى للظابط بالمعسكر
السلام ورحمه الله وبركاته لو سمحت انا كنت داخل جمعيه اون لاين مانيفيلوز وتعثرت في اخر قسط مبلغ 3000 ونص والجمعيه كام 30000 بس ما دفعتش ست شهور بسبب لان انا عندي اقساط تانيه وحاجات تانيه كتير بتدفع ومرتبي مش كبير المشكله بكشف على البطاقه بتاعتي بالصدفه لقيت ان انا مرفوعه عليا قضيه تبديد جنحه يعني بس مش مكتوب فيها مين اللي رافعها بالضبط والحكم فيها صدر غيابي ثلاث شهور حبس 500 جنيه كفاله وانا موظف محترم في الشركه محترمه الحمد لله اعمل ايه حضراتكم في الموضوع دوت ولسه عارف امبارح والجلسه كانت يوم 7/10/2025 وانا طبعا ما كنتش اعرف كل الكلام ده ولا وصلي اي اعلان بالحاجات ديت ولا مضيت على اي حاجه
تواصل معي واتس بعد اذنك
السلام عليكم انا سوداني الجنسية وعندي اقامة مؤقتة وعايز ادخل مصر يوم 30 ديسمبر والاقامة بتخلص 31 ديسمبر هل اقدر ادخل عادي من غير اعاقة
هتوصل يوم ٣٠ عادى وتجدد من المطار متقلقش
لو قريبي بيتاخد معتقل سياسي كل كام سنه وبيرجع بعد شهرين هل في حاجه ممكن نعملها علشان نلغي الحبس الاحتياطي باي طريقة
تواصل واتس عبر الموقع مش واضح سؤالك
سلام عليكم يافندم اخويا اتحددلو يوم يروح يسمع سلاحو فيه بس هو مراحش سمع سلاح ولا اترحل ولا استلم المخله كده هو يتحسب متهرب..؟!! ولا فاقد دفعه ارجو الرردد
لو استلم المخله ومجاش هارب …. والوضع … هيتجدد ليه تسميع سلاح تانى وتالت
هو مرحش سمع سلاح ومخدش معاد للترحيل ومستلمش مخله بس هو هيروح بعد سنه او اتنين عشان عندو ظروف عائليه كده هيتجند عادى وهيتحسب مع الى فاقدين دفعه مش هروب صح..؟؟؟
انت وحظك لانه ممكن يحسبها هروب
انا اشتريت ارض العقد مكتوب بخط الايد الناس دي جيران قريبي فانا كنت مامن و ما اخذتش محامي ولا عملت اي ورق اكتشفت ان العقد ده الشهود مش مكتوب لها اي ارقام قوميه البايع الرقم القومي بتاعه زائد رقمين وانا عايز اعرف المشكله دي تتحل ازاي هعمل عقد جديد واسجله في الشهر العقاري ولا اعمل ايه لن انا مش عارف
تواصل واتس عشان اسئلك اسئله متعددة
السلام عليكم
اشتريت شقة بتوكيل وبها مستأجر
وعند طلبى لإيصالات المرافق من المستأجر تهرب منى وذهبت لشركة المياة وجدت مديونية 7000 تقريبا ( اقساط متأخرة تركيب عداد مسبق الدفع + استهلاك مياة )
وعند استفسارى عن عدم انقطاع المياة
ردوا بأنه ممكن عيب ببرمجة العداد
و حالة العداد ( مغلق ) من 2024 لدى شركة المياة بالرغم من وجود المستأجر بها من 2023 واستهلاك المياة مستمر
فماذا أفعل؟
بلغ عنه او ارسله إنذار على يد محضر نوع ايجاره ايه
اغير شهادة الجيش من مطلوب ال تجنيد إلى غير مطلوب من فين
السجلات العسكرية لو انت جيش ومعسكر مبارك لو شرطه
السلام عليكم و رحمة الله
كل عام و حضرتك بخير
كان عندي استفسار من فضلك.. لو حد لسه متخرج دفعة اكتوبر ٢٠٢٥ ضباط متخصصين من الكليه الحربية حاليا رتبته ملازم
و عايز يستقيل..
من فضلك هل يتم قبول الاستقاله فوراً.. ام يجب بقائه في الخدمه لفتره الزامية
و ما قيمه الغرامه الماليه
و هل سيتم منعه من العمل بأي مصالح حكوميه او اي قطاعات اخري
السيدة المحامية الفاضلة،
أحتاج إلى مشورة قانونية في قضية شراكة عائلية معقدة ضد شقيقي (اللي شغال في منصب حساس في القضاء) ووالدي.
١. الواقع اللي أنا فيه: فيه شراكة عائلية على مشروع بناء في مدينة جديدة. مفيش أي عقود شراكة موقعة. المشكلة كلها أن “التوكيل بالبيع والشراء” الخاص بالأرض كان من المفترض يكون باسم والدينا بس عشان تسهيل الإجراءات. لكنهم دلوقتي بيدّعوا أن ملكية الأرض والمشروع لشقيقي ووالدي بس، وبيستبعدوني خالص. وبيضغطوا عليّ آخد قيمة اللي دفعته من خمس سنين بس بالعملة الاجنبية وأمشي، وبيقولوا أنا ماعنديش أدلة رسمية عشان مفيش ورق موقّع.
٢. اللي أنا عايزه: أنا عايز حصتي العادلة من المشروع نفسه، واللي هيا ٤٣.٥٪ مش ٣٣٪ كما يدعون الان ,اريد حقى على شكل شقق تمثل النسبة دي و عرضت دفع الفارق و اخذ النصف. عايز أحافظ على استثماري في العقار لحد ما أقرر أبيعه في الوقت المناسب ليا، ومش عايز فلوس ممكن قيمتها تقل.
٣. الأدلة اللي معايا: رغم كلامهم، عندي أدلة كتير قوية وإن كانت مش روتينية:
شات واتساب وتسجيلات كتير على مدار سنين شقيقي بيقول فيها على قَدم المسؤولية إن حصتي ٤٣.٥٪ وبيتناقش في تفاصيل الشراكة.
كشوف الحساب البنكية اللي بتثبت إن تحويلاتي راحت للمشروع.
شهادة والدتى و اختى.
أسئلتي لسيادتكم:
رأيكم القانوني، هل الأدلة دي (الشات والتحويلات) تكفي لإثبات إن فيه “شركة عرفية أو واقعية” وأخذ حصتي عينيًا (شقق)؟
أتصرف إزاي مع الضغط والتهديد العائلي ده؟
إيه الإجراءات المناسبة لمحاكمة قضية معتمدة على أدلة رقمية زي دي؟ المحكمة الاقتصادية؟
ده ملخص للوضع. وأتطلع لرأيكم القانوني.
وتفضلوا بقبول فائق الاحترام،
اهلا وسهلا متذكرة حضرتك ورديت عليك قبل كدة على الواتس بمجرد حضرتك ماتكلمنى واتس الشات القديم بتاعك هيظهر
انا جتلي ناس من شركه الكهربه بليل فطلبت منو إثبات شخصي رفد فدفعتو الي الخارج من المكن فقلي انا مشهسيبك ولزم اعملك محضر جلي بعد محضر سررق من الشركه تلعب في العداد وصف المحضر طبتي حركه العدبمبلغ ٩٦٠ جنيه
اعمل تظلم وشكوى وتابع التظلم بالكهرباء نفسها وشكوى ضد الموظف نفسه
السلام عليكم ورحمة الله وبركاته
حضرتك انا طلعت من الجيش بعد مدة ثلاث اشهر رفد سياسي في 2019
1 مع العلم مفيش حد من اهلي له صلة بالسياسة تماماً ولا انا ليا في السياسة نهائياً
2 اخويااا دخل الجيش بعدي بثلاث سنوات وادى الخدمة العسكرية + ان عمي من قبل ادى الخدمة ظابط احطياطي
سألتهم في المعسكر مفيش حد فادني بشيء
ممكن حضرتك تنصحيني اعمل ايه او ايه الجهات الي اقدر ارفع لها شكوى
وبخصوص ايه الشكوى بقى وضد مين
طيب ممكن حضرتك تفيديني اقدر اعمل ايه ” ولا أعيش مع الوضع وخلاص
حدد الموضوع مش فاهمه