تكمن اسباب الاعفاء من التجنيد لاسباب امنيه , فى الاعتبارات الامنيه التى تتعلق بالامن القومى لمصر , وذلك للحفاظ على سريه المعلومات العسكريه الخاصه بالجيش المصرى , او الاسباب التى تتعلق بالصالح العام للبلاد , وذلك فى حال ظهور تلك الاعتبارات بالمتقدم بالخدمه العسكريه بالجيش المصرى , كمثل اكتساب المتقدم للتجنيد بجنسيه اجنبيه , بجانب الجنسيه المصريه , او ان المتقدم بالخدمه العسكريه يكون قد أدى الخدمه العسكريه بجيش اجنبى , او ان يكون المتقدم له اجانب من الدرجه الاولى , او ان يكون المتقدم بالخدمه العسكريه متزوج من اجنبيه , او ان يكون المتقدم لاداء الخدمه العسكريه من ظباط الجيش او من المعاهد الحربيه , وفى تلك الحاله يكون حصولهم على الاعفاء من التجنيد لاسباب امنيه , بالتقدم لادارة التعبئه والتجنيد بنموذج 8 جند مدموغ من الكليه او المعهد العسكرى , ايضا من اسباب الاعفاء من التجنيد لاسباب امنيه , ان يكون المتقدم للخدمه العسكريه احد والديه اجانب , وايضا يستثنى من اداء الخدمه العسكريه من تم التعامل معه بالاعفاء الامنى , كمن قام بتنفيذ حكم أمنى , بأحد السجون المصريه , او كان ممن سبق لهم اعتياد الاجرام , كذلك من انضموا لجماعه ارهابيه , فيتم اعفائهم اعفاء امنى ونهائى , للتاكد من حصولهم على الاعفاء من التجنيد لاسباب امنيه , بالشهاده التى يتم استخراجها من ادارة التجنيد والتعبئه فى مصر.
288 Responses
أنا امي فلسطينيه واخدت جنسيه مصريه عن طريق والدي وعملت استغناء عن الجنسيه الفلسطينيه وخالي مزدوج الجنسيه وهو يعمل ضابط في جماعة فتح الفلسطينيه ولكن هو الآن في مصر ايه موقف التجنيد اتجاهي ممكن اخد اعفاء
تم الرد واتس
امي فلسطينيه واخدت جنسيه مصريه عن طريق والدي وعملت استغناء عن الجنسيه الفلسطينيه وخالي مزدوج الجنسيه وهو ضابط بحركة فتح الفلسطينيه ولكن هو الآن في مصر ايه موقف التجنيد مني
مساء الخير
انا خالي اتمسك سياسي شهر ٧ لسنه ل فاتت ولسه طلع من اسبوع وانا حاليا بقدم ف الجيش وروحت مكتب الامن وطلبوا من حاجه اسمها شهادة من واقعه الجدول خالي بيروح متابعه كل سبت ف طلب منهم الشهاده ورفضو انا مفروض اعمل اي
يطلب تانى وتالت لحد مالشهاده تطلع فالاخر متطلعتش بلغ الظابط العسكرى وهو ليه طريقه يعرف بيها من الامن الوطنى
تم الرد
والدتي متزوجة من بريطاني علي المعاش، هل فيها اعفا؟
احتمال ضعيف
سلام عليكم ورحمه الله وبركاته
انا زوج عمتي كان متاخد ٢٠١٩ قعد شهرين وخرجوه عشان كانو واخدينه اخوان تقريبا بس خرج عادي ومأخدش حكم وسافر السعوديه شرعي بس منزلش من ساعتها واخويا دلوقتي فالجيش وولا عمي واحد خلص خدمته وواحد لسه فالجيش هل لو اخويا الصغير قدم شرطه هيعدي تحريات؟
تواصل واتس
دلوقتي عن متهم في قضية سياسية امن دولة عليا بس انا اخدت فيها إخلاء سبيل بس القضية لسه مكملة هل لو قدمت حاليا هاخد إعفاء
اه هات أوراق بكدة هتاخد إعفاء سياسى
والدي كان بيعتقل بشكل متكرر فترة التسعينات وخد اعفاء امني في اواخر التسعينات والى اليوم يتم استدعائه من قبل امن الدوله
وانا فترة تقديمي على التجنيد الفتره دي ف سالت على وضعي في مكتب الامن الضابط قالي هات شهادة اعتقال من امن الدوله اللي كان بيعتقل والدك ف هل شهادة الاعتقال دي سهل استخراجها مع العلم انه لم يحاكم من قبل؟
ممكن ايوة لو جبت الشهاده
لو سمحتي
والدي والدتي في حزب النور هل دا يديني اعفاء من الجيش وهل أقلهم لو سئلو ولا عادي
تم الرد واتس
انا تم استدعائي مرة في امن الدولة وتم التحقيق معي كان ايام الجامعةواخويا ملتحي من ايام مبارك وكان بيروح امن الدولة وحتى الايام دي برضو بيتابع وزوج اختي برضو واخر مرة اخويا طلبوا منه اسماء العائلة كلها حتى الدرجة الرابعة. هل ده هيؤدي لرفض امني؟
ايوة بس هات شهادات من النيابه بالكلام دة
السلام عليكم لو سمحت ي أستاذة نشوى
هو لو حد خد إعفاء امني الجنسيات بيختلف عن السياسي ولا نفس القرار الوزاري وهل ممكن حد يشتغل حكومي عادي جالي شغل ف مشروع الوطنية تبع القوات المسلحة
السياسى او الجنسيات المحظورة كله واحد اعفاء امنى ولكن بعد موافقه التحريات العسكريه ال بتتعمل عليك والاهم تقديم مايفيد اى من الحالتين المذكورتين وبالنسبه للشغل كتعيين حسب ال معينك ولكن الاغلب بيكون الاستفاده مفيش منها رجا بالكتير ممكن تسافر او تشتغل جوا مصر كعقد بيجدد
خالى كان معتقل سياسي وخرج 2002 و دلوقتي شغال رسمى فى وزارة الأوقاف داخل الجيش الفتر دى اقول ولا دا من بدرى مش هطلع
ملوش لازمه
معلش ممكن توضيح ملوش لازمه أنه واخد إعفاء من بدرى ؟ ولا حضرتك تقصدى ملوش لازمه اقولهم
فى حاجه تانى خالى التانى اللى هو اخوه قدم فى جيش من حوالى 5 سنين وخد إعفاء امنى هو إلى قالهم من الاول
اسف جدا ع الاطاله بجد محتار وقلقان خالص ومش عارف اقول ولا لا
ملوش لازمه تقولهم
والدى اتحبس سياسى وخد براءه بس فى سجل قديم ف امن الدوله فيها اعفا امنى
هات مايثبت دة …. ساعتها ممكن
والدي بقاله عشر سنين في قطر بس بيروح ويجي عادي هل ممكن اخد اعفاء امني ؟
ابن عمتي معاه الجنسيه الالمانيه هل ممكن اخد اعفاء بسببه
لا مش شرط
السلام عليكم أستاذة نشوى لو سمحت انا اخويا متاخد ف أمن وطني من شهر 10السنة ال فاتت ومعايا أوراق القضية هل لو أقدمت وخدت إعفاء دا بيأثر ع الشغل الحكومي والسفر واقول ولا مقولش ولو هم عرفواهل بيتكتب ف شهادة الاعفاء حاجة غير لو قولت من الاول واخيرا هل بيتكتب ف الشهادة سبب الاعفاء نفسه واسف ع الإطالة وجازكم الله كل خير
بيؤثر على التعيين الحكومى فقط وسبب الاعفاء لا يتم ازالته مدى الحياه
السلام عليكم
بعد اذنك أ/ نشوى استفسار بخصوص الإعفاء الأمني
دلوقتي أنا والدي كنا ليه قضية سياسية وأنا قدمت الورق المطلوب في مكتب الأمن واستعلمت في سكرتارية التجنيد قالي جالك إيقاف أمني لكن مكتبليش إيقاف على ال ١١٠
دلوقتي أنا مترشح ظابط احتياط ومعاد كشف الهيئة بكرة هل بستكمل الإجراءات وأروح كشف الهيئة عادي ولا بنتظر تحديد موقفي وبتابع بالاستعلام
شكرا مقدما وآسف على إزعاج حضرتك
تم للرد
ابويا واخد قضية قتل عمد و عمي منضم لجماعه داعش الارهابيه وعمي التاني متزوج من اجنبية ايه الاوراق الي اقدمها للجيش وهل هاخد اعفاء ؟
تم الرد
هل الاعفاء بسبب وجود صله قرابه اولي
وتحمل الجنسيه الامريكيه
إعفاء بقرار وزاري
هل السبب ده بيأثر علي التوظيف الحكوومي؟؟
وهل السبب ده بيأثر علي سفر خارج مصر؟
تم الرد
انا اتسجن في قضيه اخوان في ٢٠٢٤ وخرجت قدمت علي الجيش وعايزين مني ورقه من السجن اني قضيت ورحت السجن قالو مفيش ورق رحت المصلحه قالو مفيش ورق مع العلم القضيه في الفيش ومعايا شهاده من النيابه بالحكم والحبس ورجعت عليهم مش راضيين يقبل الورق غير بالورقه ال مش عارف اجبها دي اعمل ايه؟؟؟؟؟
مصلحه السجون
انا اتسجن في سجن المنيا قالولي روح المصلحه في طره
رحت طره قالولي مينفعش نديك اي ورق يثبت
مصلحه السجون بالجلاء وسط البلد
اخويا دخل الجيش ست شهور بعدين جاله رفد سياسي وراح سلم حاجته وقالولو امن الدول هيكلمك والدى متوفى بس عمامى اعتقلو ساسيا بيقولو انهم من الاخوان هل دا ياثر على سفره مع العلم اولاد عمامى بيسافرو عادى هو بق اى وضغه هل هيتم منعه من السفر وامن الدوله عايزو ليه وهل ممكن نغير الرفد السياسي دا بعدين
طبعا هياثر على وضع السفر ولازم اذن وتصريح كل سفريه والرفت السياسى بال ت مش رفد المهم لا يتم تغير الاعفاء ده لكونه يتعلق بالامن القومى للجيش مدى الحياه – انسى – مفيش حاجه اسمها تغير الرفت السياسى
لو سمحت أنا واخد رفت أمني والشهادة قدوه حسنه بسبب إن اخويا كان اتحبس ما يقرب من 5 سنين قضيه سياسه وانضمام في جماعة إرهابية بس خد براءه ولسه بيتابع
فيه مشكله اني اعمل باسبور بالشهادة الملونه اللي فيها سبب إنهاء الخدمه واسافر بحث عن عمل أو سياحه
تم الرد
انا كنت داخليه وقعدت اربع شهور
وخدت انهاء خدمه لدواعي امنيه قدوه حسنه
بس انا مش تبع حد انا والدي كان ملتحي ايام مبارك وكان بيروح امن الدوله ساعه ساعتين ويرجع
واختي اتعينت معيده بكليه حكوميه عادي
السوؤال هل ممكن اغير شهاده الجيش لاي حاجه غير انهاء خدمه او ممكن ارفع قضيه
وهل بتاثر عليا في الشغل الحكومي وشكرا
تغير ايه لايه اى حاجه لدواعى امنيه مبتتغيرش
انا كنت داخليه وقعدت اربع شهور
وخدت انهاء خدمه لدواعي امنيه قدوه حسنه
بس انا مش تبع حد انا والدي كان ملتحي ايام مبارك وكان بيروح امن الدوله ساعه ساعتين ويرجع
واختي اتعينت معيده بكليه حكوميه عادي
السوؤال هل ممكن اغير شهاده الجيش لاي حاجه غير انهاء خدمه او ممكن ارفع قضيه
وهل بتاثر عليا في الشغل الحكومي وشكرا
هو انا قدمت واخدت لائق أ
بس قريت ان من حالات الاعفاء انك انت او قرايبك من الدرجه الاولى او التانيه او التالته
بعض الدول لو سافرتها يبقى انت كده معفي من الجيش
ومن الدول دي دوله ليبيا
وانا من سنتين كنت في ليبيا
حسب درجه تنقلاتك والأماكن ال نزلت فيها بليبيا وموافقة التحريات العسكرية بالنهاية ال تحدد
ابني طالب في امريكا ويحمل الجنسيه الامريكيه والمصريه وأقام سنه في مصر في المطار رجعوه وطلبو تصريح سفر حد يعرف ايه الاجراء
ليا ناس اعرفها اخدو اعفاء تحت بند بسبب انتمائهم لحزب النور، هل الموضوع لية ضرر وهل هما بيسألو عن الموضوع ولا انا اللي بقول؟
مفيش سبب للاعفاء
انا في الجيش وا عمي كان معتقل سياسي اعمل اس وانا عوز المعفاء
هات شهاده من النيابه … بتاعت أمن الدولة ال كانت بتجدد حبس عمك وقدمها
انا في الجيش وا عمي كان معتقل سياسي اعمل اس وانا عوز المعفاء
عمي معاه جنسية امريكيه كده هاخد اعفاء مظبوط؟
ايه الأوراق المطلوبه واقدمها فين عشان اخد الاعفاء ؟
انت بتسئل وتجاوب ؟ احتمال يتوافق على الإعفاء واحتمال تنزل تسمع سلاح ناس كتير بتنزل عادى ،،، ممكن فعلا تاخد إعفاء مؤقت ،، وترجع تدخل الهم طريقه التقديم
اولا شكرا على الإفادة.
قصد حضرتك ايه بطريقة التقديم؟
المفروض اعمل ايه؟
،شكرا مقدما.
اوراق الجنسيه والقيد العائلى وا
مكان ميلاد الام وجواز السفر بتاعها ولو انت سافرت قبل كدة هناك شهادة تحركاتك وتحركاتها
لو ابويا معاه مزدوج الجنسيه المصريه والإيطالية هل يتم إعطاء الإعفاء لى
احتمال يتوافق على إعفاء مؤقت وممكن لا مش شرط حسب الدوله
ابويا واخويا مزدوجين الجنسيه الايطاليه واخويا خد إعفاء كده أنا وضعى اى
ممكن تاخد إعفاء بس خلى بالك بتاع اخوك مؤقت يعنى ممكن يتلغى ودى حسب الدول مع الجيش كل دوله ليها وضعها والتحريات العسكرية ال هتقرر بالنهاية
اخويا أخد رفد أمني من كلية الظباط الاحتياط بسبب وضع ابويا السياسي بعد شهرين من دخوله لحد ما خلصوا التحريات وكدا.
كدا ايه وضعه من ناحيه السفر و هل فعلا مش بيعرف يسافر ولا يشتغل و الأمور دي ؟ و انا وضعي ايه لما ادخل الجيش انا كمان هل هيحصل معايا زيه برده ولا ايه ؟
مش هيساقر الا بتصريح سفر بعد كده مدى الحياه وبالنسبه لك احتمال يتكرر الوضع
و هل تصريح السفر في حالته دي بياخد وقت ولا الأمور بتمشي طبيعية ؟ و بيطلع تصريح السفر منين ؟
حوالى شهر.. من معسكرك
لو انا أصغر اخواتي وهتخرج قبلهم من الكلية وهما معاهم باسبور أمريكي هل ممكن اخد اعفا؟
ايه الورق المطلوب لو تعرف 😅
قدم الورق الدال على كده ممكن يتوافق على اعفاء مؤقت بس مش معنى كده انك تاخد اعفاء نهائى والله اعلم التحريات العسكريه ممكن تنظر للامر ازاى
هل يمكن تغيير شهادة الاعفاء للدواعي أمنية رغم ان الشهادة تم التحصل عليها من عام ١٩٩٨م والتقدير جيد
لو تقصد سبب الإعفاء لدواعي أمنية لا يتغير
حتى لو بقيت جيد جدا لان الدرجة اه لكن السبب لا يتغير
والدتي سورية هل ليا اعفاء ولا لا ؟؟
وانا اخر مره سافرت سوريا من 2010 مع والدي وامي واخواتي
ممكن تاخد إعفاء مؤقت لكن مش شرط نهائى حسب التحريات العسكرية عليكم
بس كان مكتوب في مكتب الامن ان سوريا من الدول المحظورة
مدن معينه وباردو حسب التحريات العسكرية عليكم كلكم ممكن اه وممكن لا
اخذت رفد للصالح العام بسبب وجود أقارب من الدرجة الأولى تبع جماعات هل في طريقة لتفادي قصه تصريح السفر لان مر على هذا الرفد سنين طويله كان في ١٩٩٨ وشهادتي الان جيد لكن للصالح العام وهل في امكانيه استخراج التصريح بسرعه بدل الانتظار شهور عديدة والتاخر
مفيش الكلام ده هو الإعفاء السياسي كدة لازم تصريح سفر / مين فهمك الكلام ده ممنوع دة يدخلك بمصيبه
لو سمحت انا عندي موقف امني ان والدي و عمي و اخوالي عندهم قضايا انضمام لجماعة ارهابيه من سنة ٢٠١٩ و خلصت ب احكام في ٢٠٢٢
والدي و عمي خلصت بغرامه بدون حبس
اخوالي كان في حبس سنين
بس في الجيش انا قدمت ورق عمي و والدي بس و حاليا واخد ايقاف تجنيد ل ١٥ يوم
مع العلم والدي حتى الان بيروح متابعه في امن الدولة و ده مش مأثر عليه في شغله شغال منصب حكومي و معاه ضبطية قضائية
تم الرد
هل تنتهي قضية باتهام ب احتيازه منشورات تخص الإخوان و انتماءه ل جماعة الاخوان ب موت الشخص المتهم بها و هل تطول ابنه ب اي شيء و يكون ليه هو كمان قضية في امن الدولة حتي لو هو ملوش في اي حاجة و بالنسبة للسفر ل ابنه في شي يعوقه او يكون في عطله في المطار و تصريح العمل
تنقضى الدعوى الجنائيه بموت المتهم لو فى حكم اما لو مجرد نشاط سياسى نتج عنه متابعه سياسيه بالامن الوطنى ليس لها اى علاقه بتجنيد ابنه المساله دى ترجع للتحريات العسكريه ال بتنظر بامر التجنيد
انا جوزي طلع من التجنيد بسبب ان باباه اخواني هل ولادي يطلعوا من التجنيد بسبب جدهم
ااحتمال لكن مش اكيد
هل لو فيه عريس متقدم بس باباه عنده قضية ب الانضام الي جماعة الاخوان هل هيأثر عليه في اي حاجة و وهو واخد استثناء نهائي من الجيش طبقا للقرار الوزاري رقم 145 لسنة 2024
لا
هل لو احد الابويين مستبعد من العمل العام لسبب امني
هل هذا سبب للاعفاء
بنسبه كبيره ايوة
لو الخاله معاه جنسية بريطاني كدا أخرج أمني
ممكن
ليا اخت جنسيتها كندية هل كده اخد اعفاء لسبب امني؟
بجانب ان ابويا عدى ال٦٠ سنة وطلع على المعاش وليا اخين مسافرين برا ومتجوزين فهل ده ممكن يديني اعفاء كعائل وحيد للأسرة؟
انهي حالة في دول ممكن اخد اعفاء فيهم؟
قدم مايفيد الكلام ده كدة كدة التحريات العسكرية هتفصل احتمال لكن ضعيف انك تاخد إعفاء
اخويا من الاب وليس الام صدر عليه حكم سياسي بالحبس ٥ سنين و قضاهم من ٢٠١٥ لحد ٢٠٢٠ و والدي و والدتي و انا كنا مقيمين في تركيا و حاليا مفيش غيري في مصر , هل فيها اعفاء و ايه الاجراءات اللي ممكن تحصل معايا !
اه اعتقد فى احتمال كبير… شهادة من نيابه المحكمه ال صدر منها الحكم وقدمها واى أوراق من الأحوال المدنية بخصوص جواز سفر الأم وانت واى أوراق اخرى
والدي و عمي مقيمين في قطر و انا و باقي الاسره بنسافر من وقت للتاني هل دا هيديني اعفاء امني ؟
ليس شرطا
هل لو في احد الوالدين مقيم في قطر من فترة ليها اعفاء وهل ده هي اثر على السفر وايه الاثبات الي ممكن يطلبوه مني انه مقيم هناك
تم الرد عبر الواتس
بعد م رحت المخابرات الحربية وحققوا معايا اتعملي إيقاف لل١١٠ ، المجند في الاستعلامات قالي تعالى كمان شهر علشان الإعفاء، في ناس بتقول أنها بتاخد ست شهور، لو سمحت عاوز أعرف هستلم الإعفاء خلال قد إيه، وشكرا جزيلا
شهر تقريبا
والدي سافر اسرائيل لمدة اسبوع من سنتين
هل ده ممكن يديني اعفاء امني
سبب السفر ايه
تواصل واتس
رقم حضرتك
فى واتس عالصفحه يافندم
مظبوط اسفل الموقع
موجود بالواتس اسفل الموقع
حمايا معتقل من ٢٠١٨ هل ده لي علاقه ولا الاقارب بس ؟
كله
عمي معتقل سياسي من 5 سنين و لسة مخرجش و إبنه معتقل برضو بس بعده بفترة و قضية تانية
هل في أمل اني اخد اعفاء ؟
عليكم السلام ……….
اعتقد انه سيكون لك استثناء امنى ثم اعفاء سياسى – ان شاء الله
شكرا لحضرتك
عفاوا
عمتي حاملة للجنسية التركية هل سيتم إعفائي من التجنيد
غير مسموح بالحصول على الاعفاء الا اذات كانت الام هى من تحمل الجنسيه
السلام عليكم لو اخويا كان معتقل سياسي وليه كزا محضر بس مخدش ولا حكم وخرج حاليا هيكون ليا جيش او اعفاء.اى الورق اللى هحتاجه. وشكرا
تم الرد على الاستشاره من الواتس الخاص بك
لو خدت رفت من الخدمة بعد ماقضيت 6 شهور في الجيش للمادة123 صالح عام هل ده يكون سبب للمنع من التوظيف في الوظائف الحكومية
اتمنى اكون قدمت الرد واتس
ابويا عايش فى روسيا بيروح ويجى وبقاله 3 سنين هنا
ايه موقفى مع انى اخذت نموزج 110 ومستنى اسمع السلاح
روسيا مش سبب للاعفاء